VISITA Á CASA DO ESCUDO

A Casa do Escudo de Verín acolle a exposición ‘Verín, o val primeiro’, de Isauro González Pereira.
A mostra recolle vintecatro óleos, debuxos e acrílicos cunha temática intimista e forte presencia da imaxe feminina, entre as que se atopan títulos como “Don Isauro e os seus alumnos” ou “Buscando a Martina”.

Isauro González Pereira (A Peroxa) iniciou a súa traxectoria profesional, como mestre, no municipio de Oímbra e desde hai 25 anos adícase ao mundo da pintura.

Sairemos da Casa da Xuventude ás 16:30 con dirección á Casa do Escudo para visitar a exposición e continuaremos dirección a praia fluvial de Pazos polo sendeiro do río Támega.

Día: 10-2-2011
Hora:16.30h.
Lugar: Casa da Xuventude